候任特首梁振英（CY）近日忙於新架構同組班工作，日前行會通過架構建議後，CY疑似暫時放下心頭大石，尋日跳出候任辦連走幾場活動，首站先喺朝早出席電台節目，推銷新架構，期間遇到示威者到場請願，佢二話不說就親自接過請願信，又同佢哋握手。

下晝再出動去旺角，出席香港教育工作者聯會喬遷新會址嘅開幕儀式，正當大家以為佢出席活動後，會返候任辦或回家休息之際，CY卻順便去旺角花墟，幫襯一間花店買有機泥同種子。花店老闆話，CY經常嚟買花，彼此相識十幾年；花店負責人汪太則透露，曾向CY反映花墟泊車問題，唔知一向「急市民所急」嘅CY，上任後會否從速解決呢個問題呢？

來源﹕on.cc