這天，陽光普照，上環一間花店外聚集了一班愛花之人，格外熱鬧。人群中有兩位八十後，Ryan和Michael特意前來學插花。插花從來都被視為女孩子的玩意，不過既然身處男女平等的年代，誰又會計較？

最想插盆花送女友

回想第一次插花，Ryan坦言最初只是「貪得意」，跟一班女性朋友來玩，卻無意中發現插花是減壓的良藥，因而從此愛上。「插花嘅過程令你好專注，個腦淨係會諗點樣配搭，點樣插先靚，平時做嘢嘅煩惱，通通都拋諸腦後。」他認為「美」很主觀，亦是插花的最大樂趣，「插花好隨心，只要你覺得靚就得，唔使理其他人點睇。」

初嘗插花的Michael，則認為插花猶如烹飪。「同煮嘢一樣，落鑊前要做好準備工夫，揀定鍾意嘅花，根據喜好去創作，到完成嗰刻，唔理碟餸好唔好食，盆花靚唔靚，望住製成品，都會好有滿足感。」他更笑言，對男性而言，花都是「買」回來的。他期望有一天能親手插一盆花，送給女友。