茗禮網   >   首頁   >   花語

鍾采羲花心思氹媽咪
作者：茗禮網   發表時間：2014-05-03 00:00:00
一年一度的母親節即將來臨，未知各位乖仔乖女準備好如何氹媽媽未呢？「爆E超蓮」鍾采羲（Iris）就一早到花舖學包花，打算為媽媽送上自己設計的花束，既美麗又有心意！ 愛花的Iris得知媽媽同樣鍾情美艷鮮花，便決定為她親自準備與眾不同的母親節花束，希望帶給媽媽驚喜！ 揀花時Iris明顯早已摸清媽媽的心水，三兩下已選出幾種主要鮮花－蘭花、百合及繡球花，她透露媽媽最鍾愛蘭花：「佢喺屋企最鍾意擺蘭花，因為生命力強，顏色又鮮艷，仲有長壽嘅寓意。」 至於另外兩種花，Iris甚有見解地說：「繡球花係圓形，喺婚禮、喜慶日子都會見到佢，送畀媽咪就有喜慶同浪漫嘅感覺，而百合就味道清香，仲寓意『咩都好』同和諧長壽嘅意思，夠晒好意頭！」 心意之作 除了因為母親節要送花外，Iris對花藝亦甚感興趣，她透露小時候最愛整手作，對於獨一無二的物件更是毫無抗拒力：「花真係好靚、好浪漫、好Colorful，每一種花都有獨特嘅個性，如果識插花，就可以用鍾意嘅花去做一件獨一無二嘅作品！」 擁有一對巧手的Iris笑言每逢大時大節都會整小手作送贈家人及好友：「朋友同屋企人生日多數會畫畫，做小手作再加禮物送畀佢哋，因為特別啲同有心思啲！唔係金錢買得到嘅祝賀係發自內心嘅，佢哋收到都會開心啲！」 今年原本打算與媽媽在母親節外遊的Iris，卻因為工作而未能出發，她表示會以Day Trip彌補媽媽：「可能去大嶼山玩一日，依家唔係同屋企人住，見媽咪機會少咗，所以母親節都會全日陪住佢。」 有驚無喜 問到收花經驗，Iris笑言學生年代曾有一次不愉快的收花經驗：「嗰時我仲好細個，仲讀緊書，個男仔就買咗束玫瑰花喺我學校樓下等我。當時我好驚，加上又唔鍾意個男仔，仲搞到畀同學笑，依家都仲記得！」 她坦言自此之後對收花都沒有太大的感覺，反而建議將來的男朋友會畫花送畀自己：「我希望會係佢親手整，有心意嘅嘢會有窩心嘅感覺！」各位宅男識做啦！ 「心」花怒放 Iris除了為媽媽送上親手製作的花束外，她亦貼心地為經理人施念慈（Celia）送上一盆鬱金香，她透露全公司的人都會叫Celia做「媽媽」：「Celia就好似我哋第二個媽媽咁，簽咗公司幾耐，佢就照顧咗我幾耐，好似契媽咁。所以母親節都會送埋畀佢，因為鬱金香有倔強、清麗嘅感覺，我覺得好合適佢！」自言喜愛太陽花的她則希望與Celia好像太陽花一樣開心：「多謝Celia呢幾年嚟對我嘅照顧，要好似太陽花咁永遠開心！」 來源﹕太陽報
會員登入區  Login
用戶：
密碼：
     
 

主頁     |    商品     |    中秋     |    花籃     |    水果     |    茗茶     |    服務     |    夥伴     |    聯絡
版權所有©1999-2010 茗禮網
Design by WebDesign488